Die Weskaapse Onderwysdepartement moedig ouers aan om hulle kinders te help om die volgende te ontwikkel tydens tuiswerk-sessies:
Verantwoordelikheid: Laat jou kind elke dag op dieselfde plek en tyd sy tuiswerk doen. Hy moet verantwoordelikheid aanvaar daarvoor.
‘n Gevoel van genoegdoening: Jou kind sal trots voel as sy hard werk en tuiswerktake daagliks afhandel. Sy leer dat as sy heel kwartaal hard werk, dit die moeite werd was as sy haar uitslae sien. Sy sal voel sy bereik iets.
Selfrespek: Wanneer jou kind take voltooi, ontwikkel sy selfvertroue. Wanneer sy met genoegdoening kyk hoe netjies sy gewerk het, voel sy trots op haarself en ontwikkel sy selfrespek.
Onafhanklikheid: Leer jou kind reeds van kleins af om sekere take op sy eie te doen. Jy kan steeds sy huiswerk kontroleer, maar hy kan dit alleen doen sonder dat jy heeltyd oor sy skouer loer!
Beplanning: Deur elke dag tuiswerk op dieselfde tyd te doen, leer jou kind om te beplan.
No comments