1.  Verduidelik dit op ‘n konkrete manier.  Dit beteken jy moet so ver as moontlik aan die ware jakob bly!  Gebruik tellertjies of ware voorwerpe.

2.  As jou kind dit snap op ‘n konkrete manier, kan jy begin om prentjies te teken.  Die prentjies verteenwoordig die ware voorwerpe.

3.  As jou kind dit verstaan, kan jy simbole gebruik om die prentjies te verteenwoordig.

4.  Ten laaste is jou kind gereed om dit op ‘n abstrakte vlak te verstaan.

Kom ons neem breuke as voorbeeld.

1.  Gebruik ‘n appel en deel dit in dele oom breuke te verduidelik.  Gebruik tellertjies om ander voorwerpe.

2.  Die volgende stap is om prentjies/vorms te teken en dit in dele te verdeel.

3.  Hierna werk jy op ‘n meer simboliese manier met net die breuk.

4.  Die laaste stap is waar jou kind dit verstaan sonder om eers te teken.

Sommige kinders snap dit gou dat as jy weet hoeveel uur is daar in 1 dag jy dit net moet maal om uit te vind hoeveel uur is daar in 3 dae.  Hierdie kinders het nodig om eers die omskakelings te leer.  Hieronder is ‘n voorbeeld van flitskaarte wat hiermee kan help:

Vir ‘n sekere groep kinders is hierdie metode egter baie moeilik.  Daar is net te veel inligting en hulle kan nie die omskakeling doen nie.  Boonop moet hulle dan nog vermenigvuldig of deel!  Vir hierdie kinders kan die metode hieronder help:

1. Leer die eenhede een vir een.  Begin bv met hoeveel ure daar in ‘n dag is.  Laat stel die kind ‘n tabel op:

Dag  Uur
1       24
2       48
3       72
4       96
5      120
6      144

1. Laat die kind nou die veelvoude (bv ure) leer: 24, 48, 72, 96, 120, 144.
2. Laat die kind die veelvoude op gekleurde papier neerskryf en uitknip.
3. Vra nou ‘n paar vrae om vaslegging te doen.
4. Herhaal nou met die volgende eenheid.
5. As jy vrae vra, vra die eenhede deurmekaar.
6. Dit help om elke eenheid op ‘n ander kleur papier te skryf.
7. Plak die veelvoude op die muur om vaslegging te vergemaklik.

Leer jou kind dat optelling, aftrekking en vermenigvuldiging van die regterkant af gebeur en deling van die linkerkant af (die kant waar jy met die berekening begin).  As jou kind leergeremdhede het, laat sy haar hande (en groot bewegings) gebruik om dit vas te lê.

Maak seker dat jou kind die getalle mooi ondermekaar skryf.  Begin by die ene en skryf die getal van agter af mooi in “kolomme”.  As jou kind hiermee sukkel, laat sy op blokkiespapier werk.

Wanneer die getalle mooi ondermekaar geskryf is, is jou kind gereed om te begin optel.

74
+ 67

Die eerste stap is om die bewerking te identifiseer: dis optelling, so ons begin van die regterkant af werk.

Heel eerste tel ons die “ene” bymekaar.  4 + 7 = 11.  Ons skryf die ene onder die ene kolom en dra die tiene oor na die volgende kolom.

1
74
+ 67
    1

Nou tel ons die tiene kolom op.  1 + 7 + 6 = 14.  Ons skryf die 4 onder die tiene-kolom en dra die honderde oor.

1
74
67
  41

Die laaste stap is om die honderde kolom op te tel.

1
74
   67
141

1. Gesels met jou kind.  Luister wat hy antwoord en moedig hom aan om meer te sê as net “ja” en “nee”.
2. Skakel die TV en radio af terwyl julle praat.
3. Wys vir jou kind dat jy belangstel in wat sy te sê het deur toepaslike vrae te vra.  Jou liggaamstaal moet ook wys dat jy luister!
4. Maak geselsies met jou kind oor sy belangstellings.
5. Moet nooit met jou kind babataal praat nie.
6. Sorg dat daar genoeg leesstof, soos boeke, tydskrifte en koerante in die huis is.
7. Lees vir jou kind stories.
8. As jy ‘n lui leser is, skaf ‘n voorleesboek op CD aan en laat jou kind daarna luister.

• Hy is lomp en loop in goed vas.
• Hy weet nie waar bo, onder of langsaan is nie (“kyk onder die kas” en dan kyk hy langsaan).
• Ruil letters soos b en d om.
• Ken nie sy sigwoorde nie.
• Verloor sy plek terwyl hy lees.

Hier is ‘n paar oefeninge wat jy met jou kind kan doen om sy visueel-ruimtelike oriëntasie te oefen:

• Laat hy ‘n hindernisbaan doen.  Bou sommer julle eie hindernisbaan met stoele, kussings en tafels.  Hy moet bo-oor en onderdeur kruip.
• Gooi ‘n klomp plastiek- of skuimrubberletters in ‘n sak.  Laat hy sy hand insteek en die letters “lees” deur te voel.
• Laat hy voorwerpe nateken.
• As hy sukkel om leesbaar te skryf, laat hy op grafiekpapier skryf.  Dit help vir sommige kinders om hulle somme in sulke blokkiespapier te doen.
• Plaas ‘n kolletjie bo-aan die linkerkant van elke blaadsy sodat hy kan weet dis waar hy moet begin.
• Gee vir hom iets om aan sy linkerarm te dra (soos ‘n horlosie) sodat hy links en regs kan onderskei.

Onafhanklike vlak:  Jou kind lees goed sonder dat jy enigsins hoef te help.  Jou kind verstaan wat hy lees en het goeie begrip.  Jou kind kan bykans al die woorde in die leesstuk herken en uitspreek.

Instruksionele vlak:  Jou lees goed solank jy by is om te help met moeilike woorde.  Hy verstaan driekwart van wat hy lees en kan die meeste woorde herken en uitspreek.

Frustrasievlak:  Jou kind sukkel om te lees.  Jy sien hy raak gespanne as hy lees.  Hy kan amper die helfde van dit wat hy lees nie verstaan nie.  Hy sukkel om heelwat woorde te herken en uit te spreek.

• Gesels met jou kind oor die probleem.  As jou kind besef hy is gespanne, is die saak al halfpad gewonne!
• Help jou kind om die probleem uit te pluis.  Waarvoor is hy eintlik bang of wat vrees hy?  Hoekom maak dit hom bang?  Wat kan hy daaraan doen?
• Gesels objektief oor die probleem.  Is dit regtig so erg soos hy voel dit is?  Verseker jou kind van jou liefde en ondersteuning en dat hy nie alleen die probleem hoef aan te pak nie.
• Maak ‘n lysie van moontlike oplossings of hanterings van die probleem.
• Dit mag wees dat jou kind gemakliker voel om eerder die probleem met ‘n ander volwassene te bespreek.  Moenie “issues” daaroor hê nie – wees bly daar is iemand wat met jou kind kan praat.
• Wees positief.  As jou kind negatief praat en optree, reageer jy op ‘n positiewe wyse.
• Doen iets lekkers saam met jou kind: gaan gym of stap.

• In die eerste plek moet jy vir hom ‘n voorbeeld wees.  Tree op soos jy wil hê hy moet optree.
• Let op jou stemtoon as jy met hom praat en verduidelik hoe jy voel sonder om hom sleg te sê.
• Sê ordentlik vir hom dat sy optrede ongeskik is en nie respek toon nie.  Verduidelik wat die langtermyngevolge van sulke optredes is.
• Luister na jou kind en sorg dat die kommunikasiekanale oop bly.
• Ignoreer sy opmerkings.  As jy jou punt gemaak het of jou opdrag gegee het, ignoreer eenvoudig dit wat hy daarop te sê het.  Soms is dit vir hom so lekker om jou te “backchat”, want hy weet jy gaan kwaad raak!