Original post blogged on b2evolution.

• Leer jou kind dat 'n mens moet kyk na wat jy eet.  Verduidelik dat sekere kossoorte meer energie gee en dat mens jou energie-inname moet beheer volgens dit wat jy nodig het.
• Leer jou kind dat kos daar is om jou gesond te hou.  Kos is nie daar om jou te troos of beter te laat voel nie.
• Moenie te veel lekkergoed uitdeel nie!
• Betrek jou kind met die beplanning van wat geëet gaan word.
• Laat jou kind help om skoolkos in te sit.
• Verduidelik dat daar in elke kosblik vrugte en groente moet wees en laat jou kind kies tussen twee soorte.
• Betrek jou kind met kosvoorbereiding vir aandete.  Kinders sal makliker kossies eet wat hulle self gemaak het.
• Sorg vir 'n verskeidenheid op die spyskaart!

Original post blogged on b2evolution.

• Eet net 'n klein bietjie minder met elke maaltyd.
• Smeer die helfde minder botter op elke snytjie brood.
• Drink gegeurde water in plaas van gaskoeldrank.
• Eet hoë-veselkosse.
• Vermy geprosesseerde kosse, soos verwerkte vleis.
• Wees slim met die olies en vette! Gebruik eerder olyfolie, Canola olie, neute, sade en vet vissoorte (fatty fish).
• Verwyder die vel van hoender.
• Kies maer vleis.
• Kyk na hoeveel jou kind inskep.  Gee vir haar 'n kleiner bordjie en skep meer groente en slaai in.
• Wees versigtig met wat jou kind drink.
• Moet nooit jou kind toelaat om ontbyt oor te slaan nie.
• Al is dit moeilik, probeer om nie al die kalorieë in die aand in te neem nie.

Laai die dokument hier af: DaaglikseInname.pdf

Dit werk soos volg:

1. Verwys na die tabelle onderaan die bladsy.  Daar is verskillende tabelle vir seuns en meisies.  Maak seker jy gebruik die toepaslike tabel vir jou kind.
2. Bepaal jou kind se aktiwiteitsvlak:
   • Passief: Jou kind is onaktief en doen net die klein bietjie aktiwiteite wat nodig is om gewone dag-tot-dag funksionering te behartig.
   • Matig aktief:  Jou kind doen sport of ander aktiwiteite wat gelykstaande is aan 'n kilometer stap op 'n dag.  Dit beteken jou kind doen gemiddeld so 3 ure se sport in 'n week.
   • Aktief: Jou kind doen omtrent elke dag van die week 'n uur se sport.
3. Lees nou die hoeveelheid kalorieë wat jou kind nodig het af volgens sy aktiwiteitsvlak en ouderdom.
4. Jy weet nou hoeveel kalorieë jou kind moet inneem per dag.  Verwys nou na die voedselgroepe-tabel bo-aan die bladsy.
5. Dis belangrik dat jou kind gebalanseerd eet en daarom moet hy per dag, volgens die kalorieë wat jy bepaal het, sy voedsel inneem.
6. Die hoeveelheid wat op die boonste tabel gegee word, is per dag.  Jy kan dit nou gebruik om sy maaltye vir die dag te bepaal.

Elke persoon is sekerlik geregtig op sy mening hieroor.  As 'n ma van 'n oorgewig amper-tiener, is dit vir my 'n wreedaardige opmerking deur iemand wat geen begrip het vir hoe moeilik dit is om 'n kind gewig te laat verloor nie.

Ek het diere.  Soms gebeur dit dat mens op 'n dag agterkom dat Woefie bietjie dik begin raak om die boude.  En dis nogals maklik om dit te hanteer: in sy bak word eenvoudig minder kos ingeskep en soos ons almal weet, moet diere nie menskos kry nie.  Wanneer Woefie nou op 'n "dieët" is, is dit eenvoudig.  Ek laat hom sit, en gee soos elke vorige dag sy bak met kos.  Ek draai om en maak die deur toe en my lewe gaan aan.  Woefie verloor mooi gewig en almal is gelukkig.

Dit werk nie so met 'n kind nie.  En ek vermoed dis wat sommige kritici nie besef nie.  Dis nie asof jy Sussie se mond kan toewerk en haar kan dwing om nie te eet nie - dit grens nou aan kinderverwaarlosing!  Sussie is 'n mens.  En 'n baie spesiale mens.  Ek is met elke vesel in my lyf lief vir haar.  Trouens, ek is so lief vir haar dat ek nie twee keer sal dink om myself in lewensgevaar te stel om haar te beskerm nie.

Indien daar 'n kitsoplossing was, sou nie een van ons oorgewig gewees het of oorgewig kinders gehad het nie.

meisiesgroekaart.pdf

seunsgroeikaart.pdf